Ar raktres

Evit mont en-dro a-stroll ar gumun

Ouzhpenn an ensavioù-kêr boutin, ganeomp e vo lakaet e plas ensavioù a-stroll a labouro en un doare treuzwelus. En o zouez :

– strolladoù kinnig gant dilennidi hag annezidi en deus c’hoant en em soñjal asambles diwar-benn temoù a-bouez evit ar gumun, hag an oberoù da sevel prim ;

– strolladoù labour gant dilennidi hag annezidi a youl vad, evit labourat diwar-benn ar raktresoù lakaet war well gant ar strolladoù kinnig.

Bevañ asambles e Dineol

Setu aze an temoù kentañ kinniget ganeomp, a ziskouezh mennadoù pennañ ar skipailh evit Dineol.

Aozañ ar gumun

Sevel lec’hioù a ra an dud a bep oad en em zaremprediñ :

  • treuzfurmiñ an dachenn c’hoariñ en un liorzh digor d’an holl (c’hoarioù evit ar vugale, tachenn c’hoari bouloù, hent da bourmen, skaoñ, leur-biknikañ …) ;
  • sevel ul liorzh pedagogel evit aozañ atelieroù a genlabour (hadañ, imboud ha krenn ar gwez-frouezh …).

Prederiañ sevel tiez er vourc’h evit ar re gozh, gant nebeut ezhomm energiezh.

Implijout lec’hienn Internet ar gumun evit en em sikour :

  • rentaoù-kont an emvodoù ;
  • kemennadoù berr (kenweturañ, diwall bugale, eskemm servijoù …).

Digeriñ ar preti-skol d’an holl a vev e Dineol evit debriñ asambles.

Gwelaat ha dec’hel an hentoù hag ar rouedad dour-glav e stad vad.

Sellet war stad batimañtoù ar gumun.

Touristelezh ha dudi

Aozañ ar vourc’h en ur reiñ pouezh d’an douristelezh glas, en ur mod a zouj ouzh an en-dro :

  • leur-diskuizh ;
  • lakaat panelloù titouriñ e plas (troiadoù-bale, lec’hioù dibar a-fet glad…).

Aozañ lec’hienn an « Treiz » :

  • leur biknikañ ;
  • feurmiñ kaiak e-pad an hañv ;
  • aozañ gouelioù (sonadegoù, treuziañ dre barkoù…).

Bugaleaj, yaouankiz ha deskadurezh

Sevel ul lec’h-bodañ evit ar re yaouank en ur zec’hel kont eus o alioù.

Kenlabourat gant skolioù ar gumun.

Magañ amzer vak ar re yaouank en ur ginnig obererezhioù d’ar sadorn, ha marteze implijout ur buhezour.

Ekonomiezh, produiñ lec’hel, treuzdougen ha diorren padus

Souten artizaned, labourerien-douar ha koñversanted ar vro en ur reiñ pouezh d’an ekonomiezh lec’hel, dre « troadoù berr » boued hag all.

Lakaat koñversanted hag artizaned d’en em staliañ er gumun (klask prenañ pe gwellaat batimañtoù).

Lakaat ar gumun da broduiñ he-unan muioc’h mui energiezh evit he ezhommoù (gant panelloù heol da skouer).

Krouiñ ul leur-genweturañ er vourc’h.

Sevenadur ha kevredigezhioù

Brasaat al levraoueg en ur ginnig medioù all :

  • diskouezhadegoù ;
  • emprestiñ CDoù ha DVDoù ;
  • ur sal urzhiataerezh ;
  • emprestiñ c’hoarioù, hadoù…

Aozañ abadennoù sevenadurel a bep seurt (teatr, sonerezh, prezegennoù…).

Souten kevredigezhioù ar gumun hervez reolennoù sklaer ha treuzwelus.

Kinig devezhioù stummañ diwar-benn temoù resis :

  • difuiñ hon tiez ;
  • deskiñ ar gwellañ tu da verañ e arc’hant ;
  • gwellaat an eskemmoù difeuls etre an dud…

Difenn raktresoù ar gumuniezh-kumunioù war dachenn ar gumun

Sevel ur sal-sport e Dineol evit an holl kumunioù.

Gwellaat hentoù mont-tre Kastellin.

Adkemer merañ an dour evit tizhout ar gwellañ priz (goude fin kevratoù gant an embregerezhioù prevez).